譯 Dr. Siddharth Sridhar嘅文總會令我學到好多嘢。有用嘅資料要開心share，多謝Sid 唔介意我劣翻等唔係醫學朋友可以睇到啲新嘅研究。
過去幾個月有好多關於COVID-19嘅研究，大部份無咩影響。但每隔一段時間，都會有研究發現改變世界嘅驚人結果，唔單只令我哋對COVID-19有新理解，更重新定義傳染病呢個課題。
就係上星期，一個主要期刊上嘅研究（Bastard P et al, Science, 2020）有關鍵發現：約10％嚴重COVID-19患者俱有抗「Type-I interferons (干擾素)」抗體，而輕度COVID患者組別則為0％ 。
「Type-I interferons」係當人體細胞受到病毒攻擊時「即時反應」所產生嘅化學物質。與一般需要一個禮拜甚至或更長時間先產生嘅抗體唔同，干擾素以多種方式產生作用，甚至啟動適應性免疫系統以應對病毒，可算係針對病毒攻擊嘅第一道防線。正因如此，已有幾種病毒（包括冠狀病毒）已進化出唔同方法以避開/熄咗干擾素嘅活動。
今次呢份新論文發現某啲人（大多數係老人家）嘅體內免疫系統存有「自身抗體」針對有用嘅「Type-I interferons」，會進展為嚴重嘅COVID-19病人。呢啲針對自己身體「壞」抗體會結合併鎖定有用嘅干擾素，阻止干擾素對抗病毒。病毒因此能不斷繁殖，直至疾病係第二週出現適應性免疫激增。但咁樣可能導致反應過度或受不良干擾素反應誤導，引發更多炎症，成為嚴重嘅COVID-19患者。
我們已知老年男性更容易出現嚴重嘅COVID-19，呢個研究正好解釋當中一些患者嘅觀察結果。 SARS-CoV-2激發相當弱嘅干擾素反應（Hin C et al, Clin Infect Dis, 2020），加上針對干擾素嘅自身抗體，會為患者帶來雙重打擊。研究仲提供證據，證明自身抗體不是因SARS-CoV-2感染嘅結果，而係預先存在。
呢啲重大發現為COVID-19診斷同治療提供了令人興奮嘅希望之光。透過測試自身抗體讓我們能夠預測邊啲患者有惡化風險，提供利用干擾素和血漿置換克服自身抗體為治療試驗嘅原動力。對康復血漿（CP）治療亦很有意義；我們必須預先測試捐贈CP，以確保CP不含有害抗體。研究更強調呢種係病毒感染中嘅新免疫缺陷狀態。
呢個係迄今為止最重要嘅COVID-19研究之一，但可惜係一片疫苗和抗病毒藥物嘅競爭討論中無法得到重視，以良好嘅科學根據和智慧簡單地解釋呢個複雜問題，呢個係我今日選擇重點介紹嘅原因。
如果我係Donald Trump嘅醫生，我會建議將佢接受呢啲自身抗體檢測。
