青春住了誰 — 回憶泛濫的感動

廿年前後，當年嘅fashion今日睇返都仲係不了。

睇《請回答1997》認識嘅除咗Apink、水晶男孩之外，當然仲有詩媛最愛Tony An 嘅H.O.T，Candy 呢隻歌亦係好多90年代背境嘅劇必出嘅曲目，上次無挑 — 六六歌成功煲返起水晶，綜藝、Come Back 仲開埋巡迴演唱會，賣回憶真係賣極都有。

Candy — H.O.T

本身H.O.T 話回又唔回咁多次，再加埋咁多年嘅負面新聞其實無乜期待。但《無限挑戰》就係有種神奇力量，上一集打俾fans 個部份完全擊中要害，今集見到啲fans 一見到件Club H.O.T 雨褸就瘋狂咁喊，呢啲細節睇到節目組對fans 嘅重視，就算無飛嘅fans 照走去會場外等偶像支持佢哋，只要曾經係某某fans嘅都會感動到。偶像重組有千百樣可能嘅原因，但fans嘅心情只得一種，嗰份可以為咗一個人、一個團體做世間盡瘋狂事嘅心情就係青春，當前奏響起嗰份激動嘅心情亦令今日已成為中女媽媽嘅fans一秒變返當日嘅追星少女。

韓仔化裝真係太利害，明明之前Tony An 個樣好殘同真係覺得老啦，點知D-Day 個日個樣又後生返…

#HOT #無限挑戰 #Candy #六六歌 #其實無特別聽KPOP #不過我認女團叻過男團 #寫呢啲得唔得架 #文盲學寫medium