Member-only story
(不負責任翻譯)愛國笑話？日本人寫嘅抗日神劇大全
「大師徒手撕開日本皇軍；受傷士兵向天掟手榴彈擊落日本戰機；踩單車人連車凌空跳上火車避開日本人追捕…」抗日神劇超乎想像嘅暴力同難以置信嘅橋段終於衝出國際，引嚟日本人岩田宇伯將橋段結集成書 。然而，作者岩田宇伯覺得最印象深刻嘅係抗日神劇入面竟然有日本女軍官，仲要全部都係靚女，因為現實係：莫講話女軍官，連一個女兵都無。
岩田先生本身係喺愛知縣做系統管理員，原本對中國零興趣，就係一次去上海出差時見到黃埔江前呃遊客嘅情景，之後就的起心乾去學中文，諗住「知己知彼、百戰百勝。」
但佢對抗日神劇嘅愛係源於佢細時嘅興趣，「我不嬲都鍾意動作片。細個嗰時，李小龍同成龍係我最愛。每逢電視播功夫片，我第朝就同同學係課室耍功夫。70–80年代係日本警匪動作片嘅黃金時期，但後來日本經濟衰退，電視業為咗削減成本就唔再做動作片。所以之後學中文我會揀抗日神劇做教材。」
岩田先生用咗成年嘅工餘時間將21套，678集，總播放時間3萬零180分鐘嘅抗日神劇內容結集出版《中國抗日神劇讀本：出乎意料的反日·愛國喜劇》，宣傳仲用「時代背景完全無視! 激嬲共產黨! 反日宣傳好笑過笑話」嚟做招徠。
書中提到一幕以 1938年為背景，當中一份日文密件上面寫嘅全部都係戰後日本首相、聲優同女優嘅名。
神劇對白嘅邏緝往往都係嘲笑對象，例如：「我爺爺9歲就被日本人殺害了」，「我們無論付出多大的犧牲、用任何方法都一定要把沙拉波娃(按：俄羅斯網球手舒拉寶娃)活著帶回來」，當然仲有常常笑死人嘅「同志們，八年抗戰開始了」 。
劇本係中國都要經過審查「跟黨跟主璇律」，抗日神劇應運而生，但中國政府多年嚟都想打擊呢批劇集。最近，《人民日報》發表了一篇題為《別讓「神劇」消費抗戰史》的文章稱，「抗戰題材影視劇創作的目的，在於通過生動的藝術語言，再現那段血與火的歷史，弘揚偉大的抗戰…
