(翻譯時間，原文見於Prof Sid facebook)
香港而家用緊兩種 COVID-19 疫苗分別係克爾來福CoronaVac（科興 (Sinovac) 生產嘅滅活疫苗）同復必泰 Comirnaty BNT162b2（復星/BioNTech 生產嘅 mRNA 疫苗）。喺各自嘅 I/II 期臨床試驗當中發現大多數接種咗疫苗嘅人不論係邊一種都會產生抗體（Walsh EE et al，NEJM；Zhang Y et al，Lancet Infect Dis）。抗體係免疫反應重要嘅組成部分，可以保護我們免受感染。但由於唔同生產商係臨床試驗中採用嘅測量抗體方法都唔同，科興同復必泰兩種疫苗產出嘅抗體反應無論係數量定強度都難以直接比較。
正因為香港用緊呢兩隻疫苗，就俾咗一個機會等本地研究人員首次可以直接比較科興和復必泰BNT162b2 疫苗所產生嘅抗體反應。透過運用相同嘅抗體檢測方法去檢驗接種人士嘅血液，可以客觀比較兩款疫苗嘅抗體反應。有三項研究經已發表（Zee JST et al，HKMJ；Lim W et al，Lancet Microbe；Mok C et al，SSRN），當中兩項係醫護人員身上進行，淨低個一個則是一般公眾中進行。三項研究結果一致：大多數參與者接種過任何一種疫苗後都產生抗體，但與兩劑科興相比，兩劑復必泰 BNT162b2 後個體有更高嘅抗體反應（同見於年齡相符嘅比較， Mok C et al， SSRN）。重要嘅係，抗體反應差異亦適用於能夠阻止病毒感染細胞嘅“中和抗體”。
咁對疫苗效力嘅理解有咩意義？
我們知道疫苗效力與所產生中和抗體嘅數量之間存在粗略嘅關聯（Khoury DS et al，Nat Med）。中和抗體越多，就可以更好咁防止 COVID-19 感染後出現嘅症狀，亦解釋到科興和復必泰BNT162b2（Palacios R et al，SSRN；Polack FP et al，NEJM）嘅 III 期臨床試驗中觀察到兩款疫苗針對有病徵COVID-19感染者嘅保護差異。當然，抗體唔係萬能。除咗抗體，我們免疫系統仲有 T 細胞，佢哋係保護我哋免受嚴重 COVID-19 傷害方面特別有效。呢兩種疫苗都會誘導 T 細胞反應（Mok C et al，SSRN）。所以係有爆發嘅智利同烏拉圭，佢哋所用嘅呢兩款疫苗都對嚴重COVID-19 感染嘅保護大致相當。
簡單嚟講，香港今次嘅抗體研究數據顯示咗點解復必泰BNT162b2 係預防有症狀的 COVID-19 方面好過科興，但 T 細胞反應確保兩種疫苗係預防 COVID-19 嚴重併發症方面仍然有效。復必泰BNT162b2 對有症狀嘅 Delta 變種感染效率略有下降，但對嚴重 Delta 感染嘅保護依然係非常有效（https://www.gov.uk/.../vaccines-highly-effective-against...）。我哋仍等待科興對 Delta 變種感染嘅數據。
保護自己接種疫苗。
